Set "Sidebar Image" in Theme-settings


#Argan Oil for Hair and Skin by Poppy Austin® 
زيت #الارقان للبشرة و الشعر من بوبي اوستن
.

زيت الارقان هذا صارلي استخدمه فترة لكذا شي:
.

- استخدمه كترطيب لتحت العين وقت الجفاف ، او اي منطقة في الوجه ، ماسبب لي حساسية او اي تأثير سلبي .. ترطيبه حلو ..
.
- استخدمه لما حول الأظافر ، ترطيب جميل 
.
- استخدمه للشعر (وهو الأهم) بعد الحمام احط منه ٣ قطرات في راحة اليد واوزعه على اطراف الشعر ، يعطي ليونة و يطري الشعر ، و يمنع النفشة و ماتبان الاطراف متقصفة وجافة .. 
.
زيت الارقان الطبيعي من غير اي اضافات له فوايد كثيرة للبشرة و الشعر ،، فهو يحوي مضادات أكسدة ومنها ڤيتامين إي ، واللي يؤخر من شيخوخة الجلد .. و أيضاً يساعد في علاج الندب (الجروح - حب الشباب) وفيه مواد تحمي من الأشعة الفوق بنفسجية الضارة ..
.

هالزيت طلبته من موقع امازون ، وحجمه ٦٠ مل .. وسبب اختياري له :
كنت بطلب زين ارقان ثاني منتشرة صورته في كل مكان اتوقع اسمه موروكون (الازرق) بس نبهوني البنات انه يحوي على سيلكون ، والسيلكون مع الوقت يضر الشعر ويتراكم عليه ، يعني ماراح استفيد منه كثير مثل ما آبي .. وايضاً ، فيه منتج اخر لزيت الارقان من جوسي مارن  Josie Maren .. بس في متجرهم على الامازون كانت اخر الريڤيوهات عنه انه مغشوش .. وسعره ماكان رخيص .. فاخترت المضمون والريڤيوهات عنه جيدة واللي هو من بوبي اوستن ..

😊🌹
#Sensi #Kabuky #Brushes
فرش الكابوكي للوجه من سنسي ☺️🌸
.
فرشتين كابوكي ، مسطحة و مستدقة !
حلوين حلوين حلوين ..
كنت في مطار الدمام ولقيتهم في محل سنسي للتجميل .. واتوقع في فروعهم بعد ..
فرحت يوم شفت هالفرشتين  ..
من زمان ، كانت اول مجموعة فرش عندي من سنسي طقم من ١٢ قطعة وكانو بحدود ١٥٠ ريال ولما شفت هالفرشتين ماترددت ، ولاني مرة كنت ابي كابوكي وفرش للمنتجات الكريمية ..
مخليتهن للكونتور الكريمي ،  المسطحة للغامق و المستدقة للفاتح ..
توزيعهم ودمجهم حلو .. ويعطون نهاية طبيعيه من غير حدود واضحة ..
.
لو تحبين الفرش مثلي او حتى لو تبدين في مجموعتك ، هالثنتين جربيهم 😍
والأحلى سعرهم 😁👌
.
سعر الفرشة الوحدة بِـ ٢٠ ريال ..

هالفرش كانت من ضمن مشترياتي في موضوعي الأخير عالمدونة وجربتهم اكثر من مرة وحبيت اعلمكم عليها ☺️🌹
browndresswithwhitedots:

yleniamartellini.net
#Eucerin Aqua point Active - Moisturizing Eye Cream
كريم الترطيب لمنطقة ماحول العين من يوسيرين

.
الكريم قوامه خفيف مثل اللوشن ، ليس كريمي ثقيل .. يوفر ترطيب لطيف لمنطقة ماحول العين ..
شغلة هالكريم الترطيب فقط ، مو ذاكر اي شي عن انتفاخات و هالات او خطوط .. الترطيب الجيد هو اللي راح يوفر عليك اغلب مشاكل هالمنطقة .. 


استخدمه في الليل لحاله ،، واوقات الجفاف استخدمه بعد سيروم العين .. وبعد خلال التهار بعد الغسول ، و قبل وضع كونسيلر ماتحت العين بوقت .. حبيته .. يناسب البشرات الحساسة والدهنية اللي حابة تهتم بما حول العين .. وقوامه يناسب رقة الجلد في المنطقة ..
.
سعره ١٠٠ ريال وحجمه ١٥مل ..
وكان من ضمن مشترياتي في الموضوع الأخير عالمدونة .. 😊🌹
#Kiehl’s Products
منتجات من كيلز 
.
سمعت كثير عن منتجات هالشركة خاصة سيروم الوجه (الكرتون الازرق الكبير) وكريم الترطيب للعيون (العلبة البيضاء الصغيرة) ولقيت محلهم في دبي مول كنت احسبه بس في الكويت ..
اخذت منهم كذا شي :

من اليمين:

•العلبة البيضاء - كريم الترطيب بالأڤوكادو (من ضمن افضل المنتجات مبيعاً)
•كريم خفيف لمعالجة مركزة للعين
•اكسير المعالجة المركز الليلي للوجه (من ضمن افضل المنتجات مبيعاً)
•زيت الشعر (ماينغسل) لاصلاح التلف 
•غسول مقشر يومي للبشرة العادية/الدهنية وتنظيف المسام
•تونر الكالندولا الخالي من الكحول للبشرة العادية او الدهنية (من ضمن افضل المنتجات مبيعاً)
.

شي جربته: زيت الشعر اللي ينحط عليه بعد الغسل والتجفيف .. بصراحة ريحته قوية مررررة مرة .. مدري كيف !! جربته مرة بس للآن! ماقدرت اتحمل وغسلته .. عاد شعري من الصبغة ناشف مرة وحطيته عالاطراف بس عادي يعني ما لين ليالجفاف او رطب .. حسيته زيت .. زّيت لي شعري .. يمكن عشان بس ابخ بخ 😑 بس الريحة الريحة 😑😑 يعني ماقدر اطلع فيه بصراحة ههههه .. 

.

بقية المنتجات لسا ماجربتهم ،، الغسول والتونر مخليته لما ارجع .. وكريم الترطيب (العلبة الصغيرة) هو ترطيب فقط لا غير قوامه ثقيل بجربه قريب .. والعلبتين الزرقاء اللي للوجه هو اللي كنت ادوره من قبل قبل ما اشتري ايستي لودر سيروم الوجه (سعره نص سعر سيروم ايستي لودر) وهو من اشهر منتجات كيلز و ان شاء الله لما انتهي من منتجاتي الحالية ابدأ فيهم .. احب اغير المنتجات عشان ما تتعود البشرة وتبطل تعطي نتايج زينة ..
.
عاد قلت اقولكم ونصبح عليكم 😘🌸
روتيني الليلي ..
صارلي ماشية عليه مدة ٣ اسابيع ..
وهالمدة كان فيها سفر وتعب وسهر ..
الحمدلله قدرت اني التزم فيه قد ما اقدر و الايام اللي فوتها كنت متعمدة عشان اشوف اذا فيه فرق !! والفرق فيه اكيد اكيد ☺️
.
لما اجي من برا ازيل المكياج بمزيل مكياج العيون من شانيل .. جتني فترة استخدم مناديل ازالة المكياج اللي ما افضّلها دايماً .. بس مع الوقت سببت لي جفاف في وجهي وهذا هو السبب اللي مايخليني افضلها .. ومخليتها وقت الكسل المستحيل ..
بعد ازالة المكياج ، اغسل وجهي بماء، وابلل فرشة الكلاريسونيك و احط عليها من الغسول اللي معها بمقدار بسيط وابدا انظف وجهي ..
بعد التنظيف و التنشيف ،، احط على اصابعي من سيروم الوجه لايستي لودر ،، وااوزع بالطبطة على كامل الوجه و الرقبة ..
وللعين، استخدم من ايستي لودر سيروم كريمي وبالاصبع البنصر اوزع اسفل العين من الخارج والداخل ..
بعد السيروم ، احط ماسك الترطيب الليلي من ايستي لودر لترطيب مضاعف، وايضاً استخدم اللوشن المرطب المخصص لمنطقة العين من يوسيرين للعين (هو مرطب فقط من غير خصائص اخرى) ..

.
التنظيف والترطيب الترطيب هو الحل لأغلب المشاكل .. بشرتي تفرق معي لما انام بهالروتين ولا من غيره .. مع الروتين اقوم وبشرتي تفتح النفس ، ومن غيره ، تكون تعبانه و شاحبه والهالات تزيد !!!! ما التزمت الا لمن شفت بعيني الفرق 👌

.
مو لازم نفس المنتجات ،، اهم شي التنظيف والترطيب وبعدها نامي مثل الاميرات 👸..

.
تصبحون على خير 😘🌹
#Olloclip 4 in 1 lens for #iPhone 5/5s
عدسة الآيفون من أُولوكليب ٤ في ١
.

هي اربع عدسات : 
عدسة الوايلد انجل (المدى العريض)
عدسة الفيش آي (عين السمكة)
عدستين ماكرو بقوة تكبير ٥ مرات و ١٠ مرات 
.
مثل الصورة ، تتركب عالايفون فايف وفايف اس ، من غير مايكون عليه كڤر او شي .. تتركب في اعلى الايفون جهة الكاميرا من الزاوية .. 
العدسات المايكرو المُكبرة تستخدم بفك العدسة الخارجية اما العدسة العريضة او عين السمكة ..
.
تجي معاهم كيس صغير من القماش و غطاء بلاستيكي لكل من العدستين ..
.
رأيي:
بصراحة احلى شي حبيته فيها عدسة عين السمكة .. عدسة الوايلد انقل (اللي تعطي مدى اوسع قليلاً من عدسة كاميرا الايفون) حلوة وتفي بالغرض .. اما الماكرو !! انا مش من هواة الماكرو ومو مجالي أبداً يعني بصراحة جربتها مرة في التكبير عشان اجرب اول ماشريتها وعليها .. يعني هو وش مجالك في التصوير ..
عالعموم الايفون تصويره جميل في وَضَح النهار و الاضاءة تكون من كل مكان متوفرة ومع عدسة السمكة حلوووة وتغييير عن المعتاد ،، اما بعد الغروب صعب شخصياً اطلع بصورة حلوة ..
.
الشراء:
كانت من ضمن قائمة الاماني (الويش لست) في حسابي عالامازون ، وسعرها بحدود ٢٧٠ ريال تقريباً .. و بالصدفة القريبة ، لقيتها في ڤيرجين (جدة) وسعرها كان مناسب مقارنة من على الامازون ،، بـ ٢٩٩ ريال .. 
.
العدسة حلوة بس ممكن انك تعيشين من غيرها هههههه .. لو مااطلع منها الا بصورة الحرم اللي حطيتها هنا قبل فترة كني حللت قيمتها 😁💞
احب ربطات الشعر هذي 💞
مريحة و خفيفة وماتقطع الشعر وتخليه يتشابك 🙆 اخذتهم من سوق الدمام الوحدة بِـ ٣ ريال ..
It’s a ten - miracle leave-in spray!
سبراي الشعر اتز آ تن 👌
.
من اسمه فيه ١٠ مميزات مذكورة عالعلبة يوفرها للشعر، مثل: اصلاح الشعر الجاف والتالف - يعطي لمعة للشعر - يمنع تشابك الشعر - يتحكم بنفشة الشعر - يحمي اللون - يحمي من التقصف - يمنع تكسر الشعر - يعطي حريرية للشعر - يعطي كثافة - حماية من حرارة السشوار وغيره ..
.
ابخ منه عالشعر (وسط الشعر الى الاطراف) مباشرة بعد تنشيفه بعد الاستحمام ،، او احط منه على راحة يدي واوزع ..
 .

هالسبراي حبيته جداً ريحته حلوة ومقبولة مرة ، وفيه اشياء من اللي يقول عنها اعطاني اياها بالضبط .. فيه مكونات تعطي ترطيب و حماية لأطراف الشعر من الحرارة ، ويتحكم في النفشة اللي تصير للشعر بعد ما يجف .. بس بالنسبة للكثافة مالاحظت شي ،، 
بعد ماصبغت شعري ، الجفاف و النفشة تبان اكثر خاصة للألوان الفاتحة (شعري اشقر رمادي) بس هذا السبراي من ضمن الأشياء اللي ساعدتني اني احب شعري وحسسني بالأمان ههههه .. والحين قرب يخلص!! ومتحسفة ماطلبت منه من ضمن الطلبات اللي فاتت ..
فيه نوع منه بعد مُزود بالكيراتين .. يحمس! ☺️
عيبه اللي اشوفه حجمه، خلص معي بسرعة احس ، بس من الأشياء اللي اكيد حرجع اشتريها يا اطلبها ولا بشوف احد يوفرها 😍👌
كفتة بطاطا المكورة 😊💘
بطاطا مهروسة - خلطة لحم مفروم مثل حقت السمبوسة (في اليوم اللي اسويها اقسم الكمية بينها وبين السمبوسة) 
اهرس البطاطا وارش عليها نتفة كمون و فلفل اسود واضيف لها اللحم و ااخلطهم ..
بعد ماتبرد شوي اكورها نفس الشكل ، وعلى جنب احضر البيض وارش عليه شوي كمون بعد عشان ريحته ماتبين كثير .. وصحن ثاني بقسماط (حق هرفي ابوكرتونة وردية حلو في قسم الخبز) وممكن انتِ تسوينه في البيت (خبز عربي في الفرن الين ييبس و في الطاحونة افرميه) 
والبطاطا عالبيض وعالبقسماط وعلى جنب ..
وقبل الفطور اقليهم ..
وممكن في الفرن بس القلي ألذ للأسف 😅
وفيه طريقة ثانية بالفرن تفردين البطاطا واللحم في صحن بايركس مربع حجم وسط الى صغير، والوجه تغطينه بالبقسماط وبالفرن ٢٠ دقيقة وبعدها تحمرينها شوي ..

.
شخباركم 💞💐😚

nebras228:

-


 

لِـ تقتُل إسرائيل ما شائت من أطفالنا
فالذين كتب الله نهاية اسرائيل على أيديهم
سيعيشون رغما عنها، تماماً كما قتل فرعون
آلاف الأطفال وربى الطفل الذي أهلكه.

-أدهم الشرقاوي-

My new #Clarisonic mia2,
Lets see what all the fuss is about! 😌
.

حيّهم .. و حيّ الحُب الجديد ☺️💘
اخيراً .. أجرب الكلاريسونيك بدال ماكنت اسمع .. بس مااستغني عن تجاربكن 😊💋
NYX blushers ✨
حمرة خدود من ان واي اكس 
من الأعلى:

Mauve:
.

بلشر بودري مطفي لونه وري/روز دافي ، يعطي ملمس حريري / مصقول عالخدين ،، مناسب للاستخدام كبلش يومي البشرات الفاتحة الى المتوسطة .
.

الوسط:
Espresso:
.

بلش بودري بيج على وردي/روز دافئ ، فيه ناس يستخدمونه للكونتور بس انا اشوف ممكن بس مش كشي اساس للكونتور لانه درجة البني اللي فيه مايلة اكثر للوردي .. 
.

الأسفل:
Peach:
.

بلشر مطفي لونه وردي فاتح (بيبي بينك) بارد،  ماله اي علاقة باسمه (مشمشي) .. اللون مافيه اي درجة من البرتقالي .. يناسب اغلب البشرات تقريبا .. اوقات احس القوام والبودرة تصير مثل الطباشير مدري ليه .. 

.
جميع البلشرات اللي ذكرتها ثباتها متوسط ، تقريبا ٤ ساعات ، وتناسب ذوات البشرة الدهنية ..
.
سعر البلشر الواحد تقريباً : ٣٩ ريال 
وموجود في سنتر بوينت .. 
.
😊💗