Set "Sidebar Image" in Theme-settings


shopvandevort:

Van De Vort basics are hardly basic…. Not only are they 100% organic cotton, they’re also 50% OFF!!! You still have an hour to make your way over here to save big bucks this Labor Day!! See you soooon! ❤️❤️❤️ {{closing at 3:00 today!} /// #vdvsummersale #vdvbasics #organiccotton #shopvandevort #vdvonline (at VAN DE VORT)
❤️
زيت فيتامين إي Vitamin E Oil
.
فوايده كثير ومنها ..
- مضاد للأكسدة و مُقاوم لعلامات شيخوخة الحلد و التجاعيد ومضادات الأكسدة هذي تحفز عمل الكولاجين في الجلد ..
.
- يُستخدم كعلاج ليلي بحيث انه يوفر الترطيب اللازم و احتوائه على مضادات الأكسدة تسرّع في عملية شفاء البشرة من تبقع او اثار للجروح ..
.
- غير مناسب للاستخدام للترطيب اليومي بسبب قوامه الكثيف والدبق ..
.

استخدامي:
بالطبطبة قبل النوم ، اوزع كمية بسيطة منه لمنطقة  تحت العين .. و ماحول الفم اذا كانت تعاني من جفاف بزيادة وبعد استخدمه للحواجب .. و بعد للأظافر وماحولها يعطيها ترطيب مضاعف لو كانت جافة جداً ..
.

يمكن تحصلين على زيت فيتامين إي في الصيدليات على نفس الصورة او من خلال كبسولات تحوي هذا الزيت ويمكنك فتح هذه الكبسولات بواسطة ابرة واستخراج الزيت منها .. وفيتامين إي متوفر في الخضار والمكسرات .. متوفر في صيدلية بوتس في دبي والبحرين فروع السعودية ماخبرهم متوفرين ..
.
مساكم سعيد 😚🌹
تابع لصورة الروزماري 😍
سويت بطاطا بالفرن لذيذة لذيذة 😚👌
.


بطاطا قشرتها وخليت شوي من قشرها ، وقطعتها جوانح (ويجز) وحطيتها في صحن بايركس مقعر ، الروز ماري اخذت منه نص العود وغسلته و قطعت اوراقه ، ما فرمته ، واضفته للبايركس اللي فيه البطاطا ، اضفت: زيت دوار الشمس (ممكن زيت زيتون بس احس يعطي طعم مر لو طول وانا اوقات انساه بالفرن) وفلفل اسود مجروش - شوي ملح - نتفة كمون - فص ثوم مبشور .. وقلّبت البايركس الين كلش اختلط ،، والفرن كان شغال وجاهز قبلها عالـ ٤٠٠ وغطيت البايركس بغطاه ودخلته الفرن وخليته ٤٠ دقيقة .. وممكن في التقديم وهو حار ترشين شوي بارميزان .. وياسلام عالطعامة ☺️👌👌👌
.


تمسون على خير جميلاتي 😚🌹
مساء الخير 🌹

الاسبوع اللي فات شريت نبتة الروزماري -اكليل الجبل- (عضوية) من الدانوب (قسم الخضروات) .. ماقدرت اقاوم شكلها مع نبتات ثانية ماعرفت اش ممكن اخذها له .. بس اخذت الروز ماري لأني عارفة فيه لها استخدامات كثيرة في الطبخ ، ممكن وهي طازجة تقطعيها (كمية بسيطة) بس الاوراق بدون العود حقها، بعد ماتغسليها وتضيفينها للاكل مثل الدجاج واللحم او للخضار المسلوق تعطيه نكهة ، وجالسة اقرا عن استخداماتها لقيت لها استخدامات لـ منقوع الروزماري ومفيد كغسول للشعر كأخر خطوة في انه يقوي الشعر و يحفز على نموه .. و فوايد ثانية للجسم اقرو عنها لو حبيتو ..

حجمها صغير النبتة ، توقعت كونها عضوية بتكون غالية حول ٣٠-٤٠ بس سعرها كان ١٤ ريال 👌
.


جاري التجربة لكل ماذُكر ..

😊🌹
القهوة الثانية لليوم ☺️💜
أصور الأشياء اللي بتكلم عنها الفترة القادمة ..
ولو حابين اشيااء ثانية زيادة اعطوني خبر 😘
.

مساكم سعيد وبدايات موفقة 😊🌹
مساكم الله بالخير 😊🌹
.

الويكند هذا استكنان 💓
اليوم قضيته في انحاء المنزل ،، ومنها ضبطت زاويتي في التصوير مودها غير عن المعتاد واشوف اش يطلع معي ، وبعد قمت احوس في كيفية تعديل الصور بصيغة الراو RAW
عالم ثاني و اسهل وابسط .. صار لي سنة خايفة ادخل في هذي الصيغة مدري ليه 😂 حسبتها صعبة ، بس والله التعديلات اللي ممكن تسوينها بالفوتوشوب بهذي الصيغة حلوة مرة 👌
.
وايش بعد !!
ايه ، عشاي كان موده شتوي ، كب كيك وحليب شاي 😌
.

😘🌹
مصدر السعادة هو ان الانسان ينام زين!
لما الشخص نومه يكون منعدل ، كل يومه يصير بإذن الله يفتح النفس ، وتفكيره يصير إيجابي ..
النوم الزين اللي اقصده هو نوم الليل الليل ..

.
مصدر سعادتي ، طبعاً من غير ما قول اهلي واحبابي، هو اني انام زين وعليها تجي الاشياء تباعاً 😴
.


وانتوا؟ وش مصدر سعادتكم ☺️💘
Nature’s bounty Apricot scrub

سكرب / سنفرة للجسم من نايتشرز باونتي بالمشمش ☺️👌
.

هذا السكرب اعرفه واستخدمه من زماااان زمااان ،، تاريخ .. يعني مهما غيرت واستخدمت غيره ، ارجع له واشتريه .. لطيف وريحته حلووة وماينشف البشرة .. مكتوب انه للوجه والجسم بس انا مكتفية بالجسم بس .. 
.
سعره حول ٢٧ ريال 
موجود في اغلب الصيدليات و السوبرماركتات 👌
.
😚💐
زيت اللوز (الحلو) غني بڤيتامينات أ - ب - هـ (A-B-E) وهذي الڤيتامينات لها دور كبير في صحة البشرة .. و ايضا الشعر .. قوامه ثقيل شوي مو خفيف .. مناسب لجميع انواع البشرة الا الدهنية ..
.

فوائده للبشرة :
- يحافظ على رطوبة البشرة مما يعطيها النضارة

- ترطيبه غني و عميق

- يعتبر مهدئ للبشرة المتهيجة

- يحارب تجاعيد البشرة لانه غني بمضادات الأكسدة و احتوائه على ڤيتامين هـ E

- يقلل من الهالات السوداء ، بتوزيعه تحت العين قبل النوم بكمية بسيطة والاستمرار لمدة اقلها اسبوعين 

- يستخدم للمصابين بالأكزيما بحيث يوفر ترطيب غني ويهدئ من الحكة

- يوفر ترطيب غني لما حول الأظافر ومفيد جداً


.
فوائده للشعر:
- يمكن وضعه قبل غسل الشعر بنص ساعة والنتيجة لمعان للشعر

- يعطي ترطيب لأطراف الشعر الجافة والمتطايرة بوضع كمية بسيطة في راحة اليد وتوزيعه على نهاية الشعر

- تهدئة فروة الرأس من الالتهاب او الحروق (مثل حروق والتهابات الصبغات او حكة القشرة وغيرها)

- يدخل في كثير من الوصفات الخاصة بالشعر 
.


طبعاً زيت اللوز الحلو اللي عاليسار هو عضوي طبيعي اقدر استخدمه حتى في الأكل ، وهذا افضل شي (احبه مرة) وطلبته من موقع امازون في موضوع كامل عالمدونة لو حبيتو ..

الزيت الثاني الصغير شريته يوم كنت في دبي وماكان عندي زيت فشفته وحبيت حجمه كيف صغير .. بس الحين اقرا مالقيت عالعلبة معلومات كافية عنه غير انه اسباني و للاستخدام الخارجي فقط وهو خاص بالبشرة والشعر .. حلو عالعموم ..
.
زيت اللوز الحلو هو المطلوب و المُر امسحوه من بالكم لانه فيه مواد سامة ولازم اذا بتستخدمينه يكون بكميات محسوبة للبشرة و الخ الخ .. انسوه وخلكم عالحلو ..

.

😊💞
"كل يوم تشرق الشمس على عالم جديد ، ما نسميّه رتابة يزخر بالفرص الجديدة ، لكنا نجهل رؤية الاختلاف الذي يميز يومًا عن سابقه"
.
بداية اسبوع مُوفقة و صباح الخير 😊☕️
"متى أنتابك حس مستمر بعدم الرضا، يعنى ذلك ان الله أوجده لسبب واحد فقط ، عليك ان تغير كل شئ و تمضي" ☕️💕
.
صباح الرضا و السعادة 😊🌹
.
Airbrush Shimmer from Sally Hansen
بخاخ لمعة فقط للسيقان من سالي هانسن
.
كان عندي مناسبة واحتجت لمعة من غير لون تان ، وماكنت عاملة حسابي ولاجبت معي شي من اغراضي ،، عندي بخاخ من سالي هانسن بس تان ويعطي لون اغمق ،، وانا كنت ابي شي بلمعة بس من غير لون غامق ،، ابي نفس لوني بس بلمعة حلوة ..
رحت ادور منتجات سالي هانسن ، كانت بفترة متوفرة بمحلات ايكونيك ، ومالقيتها ابد .. شابو من المحل كل القسم حق المكياج .. وقلت مالي الا وجوه ورحت ،، قعدت اشوف و ش افتح درجة عندهم ،، التان الفاتح غامق مرة .. ولقيت هذا الجميل .. بس لمعة ذهبية يدوب تبين بس جميييلة .. عطتني اللي ابي .. 
..
تبخينه عالجزء اللي تبين (الساق او الذراعين) وتتركينه شوي لين ينشف .. ثباته حلو بس لو حطيتي رجل على رجل المكان اللي عليه لمعه بيروح .. وممكن يطبع عالملابس لواحتك فيها مباشرة بفرك او ضغط يعني مش مرور كذا هههه ..
.
سعره ٧٥ ريال .. 
.
😊🌹
#Argan Oil for Hair and Skin by Poppy Austin® 
زيت #الارقان للبشرة و الشعر من بوبي اوستن
.

زيت الارقان هذا صارلي استخدمه فترة لكذا شي:
.

- استخدمه كترطيب لتحت العين وقت الجفاف ، او اي منطقة في الوجه ، ماسبب لي حساسية او اي تأثير سلبي .. ترطيبه حلو ..
.
- استخدمه لما حول الأظافر ، ترطيب جميل 
.
- استخدمه للشعر (وهو الأهم) بعد الحمام احط منه ٣ قطرات في راحة اليد واوزعه على اطراف الشعر ، يعطي ليونة و يطري الشعر ، و يمنع النفشة و ماتبان الاطراف متقصفة وجافة .. 
.
زيت الارقان الطبيعي من غير اي اضافات له فوايد كثيرة للبشرة و الشعر ،، فهو يحوي مضادات أكسدة ومنها ڤيتامين إي ، واللي يؤخر من شيخوخة الجلد .. و أيضاً يساعد في علاج الندب (الجروح - حب الشباب) وفيه مواد تحمي من الأشعة الفوق بنفسجية الضارة ..
.

هالزيت طلبته من موقع امازون ، وحجمه ٦٠ مل .. وسبب اختياري له :
كنت بطلب زين ارقان ثاني منتشرة صورته في كل مكان اتوقع اسمه موروكون (الازرق) بس نبهوني البنات انه يحوي على سيلكون ، والسيلكون مع الوقت يضر الشعر ويتراكم عليه ، يعني ماراح استفيد منه كثير مثل ما آبي .. وايضاً ، فيه منتج اخر لزيت الارقان من جوسي مارن  Josie Maren .. بس في متجرهم على الامازون كانت اخر الريڤيوهات عنه انه مغشوش .. وسعره ماكان رخيص .. فاخترت المضمون والريڤيوهات عنه جيدة واللي هو من بوبي اوستن ..

😊🌹
#Sensi #Kabuky #Brushes
فرش الكابوكي للوجه من سنسي ☺️🌸
.
فرشتين كابوكي ، مسطحة و مستدقة !
حلوين حلوين حلوين ..
كنت في مطار الدمام ولقيتهم في محل سنسي للتجميل .. واتوقع في فروعهم بعد ..
فرحت يوم شفت هالفرشتين  ..
من زمان ، كانت اول مجموعة فرش عندي من سنسي طقم من ١٢ قطعة وكانو بحدود ١٥٠ ريال ولما شفت هالفرشتين ماترددت ، ولاني مرة كنت ابي كابوكي وفرش للمنتجات الكريمية ..
مخليتهن للكونتور الكريمي ،  المسطحة للغامق و المستدقة للفاتح ..
توزيعهم ودمجهم حلو .. ويعطون نهاية طبيعيه من غير حدود واضحة ..
.
لو تحبين الفرش مثلي او حتى لو تبدين في مجموعتك ، هالثنتين جربيهم 😍
والأحلى سعرهم 😁👌
.
سعر الفرشة الوحدة بِـ ٢٠ ريال ..

هالفرش كانت من ضمن مشترياتي في موضوعي الأخير عالمدونة وجربتهم اكثر من مرة وحبيت اعلمكم عليها ☺️🌹